Cada minuto, morre unha muller por causas relacionadas co embarazo: o 99% destas mortes ten lugar en países en desenvolvemento.

Como consecuencia da escaseza de servizos sanitarios especializados, a maternidade vai acompañada dun alto risco para a saúde para moitas mulleres nos países pobres.

Ademais, o 20% das mortes de menores de 5 anos nos países en desenvolvemento teñen unha relación directa coa saúde materna.

1. Reducir en ¾ a taxa de mulleres que morren durante o embarazo ou o parto para 2015.
2. Acadar, para 2015, o acceso universal á saúde reprodutiva.

• Máis de 500.000 mulleres morren cada ano no mundo por falta de coidados médicos adecuados durante o embarazo ou parto.
• Mentres que nos países ricos morre 1 muller por cada 2.800 partos, nos países máis pobres a proporción é de 1 de cada 16.
• No este e sueste asiático e no norte de África, un 80% dos partos xa son atendidos por persoal cualificado.
• As zoas rurais soen rexistrar un menor índice de atención especializada: por cada tres mulleres que son atendidas por persoal cualificado en áreas urbanas, só unha recebe este tipo de atencións nas zoas rurais.

Países como Bangladesh ou Exipto conseguiron reducir en poucos anos os índices de mortalidade materna centrándose na formación de persoal especializado, a mellora dos servizos de saúde básicos e de urxencia, e a promoción de programas de planificación familiar e renovación das infraestruturas sanitarias, especialmente nas zoas rurais.

Os países desenvolvidos e doantes deben facilitar os recursos necesarios para acometer estas reformas a través da axuda ao desenvolvemento e a cancelación da débeda, e establecer como prioridade nos seus programas de desenvolvemento os dereitos da muller, incluíndo os seus dereitos reprodutivos.